எதிர்காலம் என்பதே ஓர் எதிர்பார்ப்பு தானே

ஆங்கிலப் புத்தாண்டு பிறந்தது இன்று
எங்கும் கொண்டாட்டம் புத்துணர்ச்சி
எதிர்பார்ப்பு எவ்வளவோ எது நிறைவேறும்
எதிர்காலம் பதில் சொல்லும்

கடந்த காலம் மறந்து நிகழ்காலம் நுழைவோம்
கற்பனைக்கும் எட்டாத எவ்வளவோ நிகழ்வுகள்
ஒன்றொன்றாய் கண்முன்னே நடந்தேறின
ஒவ்வாத காட்சிகள்தான் செயலற்றோம்

நெஞ்சு பொறுக்குதிலை நேர்ந்த கதை நினைந்துவிட்டால்
உயர்ந்த மனிதர் பலர் இறவாப் புகழ் எய்தினர்
ஊழ் வந்து சேர்ந்தது போல் வார்தா புயல்
உள்ளூர் அரசியல் குழப்ப மாற்றம்

மக்கள் மட்டுமே மேலும் மேலும் துயருற்றர்
மாளிகை வாசிகள் ஊழல் அதிகாரிகள்
மக்கள் பணத்தை தனதாக்கிய தறுதலைகள்
மாற்றம் இல்லாமல் மகிழ்ந்திருந்தர்

இதுமட்டுமல்ல இதுபோன்று பலவும் கடந்த ஆண்டில்
புத்தாண்டில் இனிதானவை மட்டுமே வேண்டுவோம்
என்றும் போல் இன்றும் எதிர்பார்ப்போம்
எதிர்காலம் என்பதே ஓர் எதிர்பார்ப்பு தானே